Ազգային Ժողովի Խորհուրդը որոշման նախագիծ դրած է շրջանառութեան մէջ, որուն համաձայն` կը նախատեսեն դիմել Սահմանադրական Դատարան ընդդիմադիր «Հայաստան» եւ «Պատիւ Ունեմ» խմբակցութիւններու պատգամաւորները մանտաթներէ զրկելու հարցով:
ԱԺ Խորհուրդի որոշման նախագիծին համաձայն` պատգամաւորներու ցանկին մէջ կը բացակային «Պատիւ Ունեմ» խմբակցութեան քոթայով խորհրդարան անցած Թագուհի Թովմասեանի ու Իշխան Զաքարեանի անունները:
Իշխան Զաքարեանը աւելի վաղ յայտարարած էր «Պատիւ Ունեմ» խմբակցութենէն դուրս գալու մասին:
Ի դէպ, ցուցակին մէջ չկայ նաեւ Մարտուն Գրիգորեանի անունը, որ պատգամաւորական մանտաթ ստացած է Արթուր Վանեցեանի` հրաժարական տալէն յետոյ` Յունիս 30-ին: Գրիգորեան ընդգրկուած է «Պատիւ Ունեմ» խմբակցութեան կազմին մէջ:
