ՀՀ կառավարութիւնը հաւանութեան արժանացուց Հայաստանի Հանրապետութեան եւ Ամերիկայի Միացեալ Նահանգներու միջեւ զարգացման ուղղուած համագործակցութեան դրամաշնորհային համաձայնագրի ստորագրման առաջարկութեան հաւանութիւն տալու մասին նախագիծը:
ՀՀ վարչապետի աշխատակազմի ղեկավար Արայիկ Յարութիւնեան նշեց, որ զարգացման ուղղուած համագործակցութեան դրամաշնորհային համաձայնագրին նպատակն է աջակցիլ Հայաստանին ժողովրդավարութեան եւ տնտեսական կայունութեան ամրապնդման ուղղուած բարեփոխումներու գործընթացին:
«ԱՄՆ ՄԶԳ-ի ընդհանուր նախատեսուած ներդրումը նպատակներին հասնելու համար կազմում է 120.000.000 տոլար, որը կը յատկացուի մասնաբաժիններով: ԱՄՆ ՄԶԳ-ն նախատեսում է բաշխել իր ընդհանուր ներդրումը հետեւեալ կերպ. 68.565.000 տոլար` ժողովրդավարութեան խթանման, 51.435.000 տոլար` տնտեսական անվտանգութեան բարելաւման համար», ըսաւ Արայիկ Յարութիւնեանը:
Ժողովրդավարութեան խթանման նպատակով ԱՄՆ ՄԶԳ-ն աջակցութիւն պիտի տրամադրէ Հայաստանի կառավարութեան փտածութեան դէմ պայքարին, արդարադատութեան, պետական կառավարման համակարգի բարեփոխումներուն մէջ: Փաստաթուղթով նախատեսուած գործողութիւնները միտուած են ըլլալու մարդու իրաւունքներու պաշտպանութեան, քաղաքական հաշուետուողականութեան հիմնարկներու հզօրացման, ընտրական ու քաղաքական գործընթացներուն մէջ բարեվարքութեան պահպանմա, երկրին մէջ արտակարգ իրավիճակներուն մէջ արագ արձագանգելու կարողութիւններու ամրապնդման:
Տնտեսական անվտանգութեան բարելաւման նպատակով ԱՄՆ ՄԶԳ-ն պիտի աջակցի պետական հատուածին` ստեղծելու արդիւնաւէտ եւ գործող համակարգեր, պիտի աջակցի ներառական եւ տնտեսական ռազմավարութիւններու իրականացման, պիտի օժանդակէ արդիւնաւէտ ներդրումներու համար դրամագլխային միջոցներու բացայայտման:
ՀՀ վարչապետ Նիկոլ Փաշինեան նշեց, որ սա շատ կարեւոր համաձայնագիր է, կը սպասուի 120 միլիոն տոլարի ներդրում ժողովրդավարութեան, փտածութեան դէմ պայքարի եւ տնտեսական անվտանգութեան, հաստատութենական զարգացման ոլորտներուն մէջ:
