«Այս պահին Հայաստանի եւ Թուրքիոյ միջեւ յարաբերութիւնների կարգաւորման նպատակով բանակցութիւններ չեն վարւում», այսօր՝ Սեպետմբեր 13-ին «Ազատութիւն»ի հարցին ի պատասխան, տեղեկացուցած են Հայաստանի արտաքին քաղաքական գերատեսչութենէն։
«Ազատութիւնը» մասնաւորապէս հետաքրքրուած էր արտաքին գործոց նախարարութենէն, թէ արդեօք պաշտօնական բանակցութիւններ կը նախանշուի՞ն հայ-թրքական յարաբերութիւններու կարգաւորման համար։
«Ի պատասխան ձեր հարցման՝ յայտնում ենք, որ Հայաստանի եւ Թուրքիոյ դիւանագէտների միջեւ շփումները սահմանափակւում են միջազգային օրակարգի տարբեր հարցերի շուրջ բազմակողմ ձեւաչափով քննարկումներին մասնակցութեամբ», – ըսուած է ԱԳՆ պատասխանով։
Վերջին շրջանին Անգարան եւ Երեւանը պարբերաբար նամակներ կը փոխանցեն երկկողմանի յարաբերութիւնները կարգաւորելու վերաբերեալ։ Թուրքիոյ նախագահ՝ Ռէճէպ Էրտողան ըսած էր, որ Անգարան պատրաստ է կարգաւորել յարաբերութիւնները Երեւանի հետ`բարի դրացիութեան եւ իրարու տարածքային ամբողջականութեան ճանաչման հիման վրայ: Հայաստանի վարչապետ՝ Նիկոլ Փաշինեանն ալ, ի պատասխան, յայտարարած էր, թէ Հայաստանը պատրաստ է Թուրքիոյ հետ երկխօսութեան։
