Home ԳԼԽԱՒՈՐ ԼՈՒՐԵՐ Վարչապետի Հետ Եւ Դէմ Ցոյցեր Երեւանի Մէջ

Վարչապետի Հետ Եւ Դէմ Ցոյցեր Երեւանի Մէջ

by MassisPost

Չորեքշաբթի, Նոյեմբեր 18-ի երեկոյեան Ազատութեան հրապարակին վրայ տեղի կ՛ունենար ընդդիմադիր 16 քաղաքական ուժերու հերթական բողոքի ցոյցը: Անոնք կը պահանջէին վարչապետ Փաշինեանի հրաժարականը:

Այս հանրահաւաքին զուգահեռ Հանրապետութեան հրապարակին վրայ հաւաքուած էին Նիկոլ Փաշինեանի աջակիցները, որոնց շարքին կային նաեւ զինուորականներ: Ցոյցի ընթացքին անոնց կոչով դիմելու եկաւ անձամբ վարչապետը` յորդորելով այս պահուն ցոյց չկազմակերպել, հեռանալ, եթէ անհրաժեշտ ըլլայ, ինքը անձամբ հանրահաւաք կը հրաւիրէ:

Զինուորականները «Ազատութիւն» ռատիոկայանի հետ զրոյցի ընթացքին յայտնած են որ, իրենց պահանջն է, որ վարչապետ Փաշինեան այժմ հրաժարական չտայ. «Հաւաքուել ենք, վարչապետի կողքը լինենք, հաւաքուել ենք, որ այս աթոռի կռիւը չլինի: Առաջինը մեր զոհուած տղերքի յիշատակը յարգեն, չսարքեն էս ամէն ինչը կապիկութիւն, համերգ, որ մարդիկ հաւաքւում են, ծափ են տալիս, ոնց որ ինչ-որ մէկը երգում է, իրենք էլ ծափ են տալիս: Մենք տղերք ենք կորցրել, մենք ախպէրներ ենք կորցրել: 4 օր առաջ ենք իջել պոստերից»:

opposition-protest

Օրուայ ընթացքին իշխանութեան ներկայացուցիչները մի քանի անգամ կոչ կ՛ընէին վարչապետի աջակիցներուն հաւաքին չմասնակցիլ:

Ցոյցի ընթացքին ներկայ էր նաեւ վարչապետի խորհրդական՝ Նաիրի Սարգսեանը, որ «Ազատութեանը» յայտնեց թէ, եթէ իրենք այս ցոյցը կազմակերպէին, հրապարակի վրայ ազատ տեղ չէր մնար. «Մենք օրէնք չէինք կարող խախտել, մենք որ կազմակերպէինք, այս հրապարակում չէր լինի կանգնելու տեղ»:

Հարակից Նյութեր

Leave a Comment