Home ԳԼԽԱՒՈՐ ԼՈՒՐԵՐ Արա Այվազեան Նշանակուած Է Արտաքին Գործոց Նախարար

Արա Այվազեան Նշանակուած Է Արտաքին Գործոց Նախարար

by MassisPost

Վարչապետի որոշմամբ Արա Այվազեան ազատուած է արտաքին գործոց նախարարի տեղակալի պաշտօնէն: Վարչապետի առաջարկութեամբ եւ նախագահի հրամանագիրով Այվազեան նշանակուած է արտաքին գործոց նախարար:

Վերջինս փոխնախարարի պարտականութիւնները ստանձնած էր Հոկտեմբեր 16-ին:

Նորանշանակ արտաքին գործոց նախարարը 51 տարեկան է, նախապէս եղած է Մեքսիքայի, Քոսթա Ռիքայի, Քուպայի, Հունտորասի, Կուաթեմալայի եւ Պանամայի մօտ ՀՀ դեսպանը, իսկ անկէ աւելի վաղ Մերձպալթեան, ինչպէս նաեւ այլ երկիրներու մէջ գրաւած է դեսպանի պաշտօնը:

2 օր առաջ վարչապետը յայտնեց, որ Զօհրապ Մնացականեանը պաշտօնէն ազատելու որոշում կայացուցած է: Երէկ ալ Շաւարշ Քոչարեանը ազատուած էր փոխարտաքին գործոց նախարարի պաշտօնէն:

Հարակից Նյութեր

Leave a Comment