Ատրպէյճանի բանակը այս պահուն, ոչ պաշտօնական աղբիւրներու տուեալներով, ունի մինչեւ 10 հազար սպաննուած եւ շատ աւելի մեծ քանակով վիրաւորներ: ՀՀ Պաշտպանութեան նախարարութիւնը տեսանիւթ հրապարակած է այն մասին, թէ ինչպէս ատրպէյճանցի օգտատէրերը կը փորձեն տեղեկութիւն գտնել սպաննուածներու վերաբերեալ, որոնց անունները կը թաքցնէ Ատրպէյճանի ռազմա-քաղաքական ղեկավարութիւնը:
Այդպիսի հարթակներէն մէկուն մէջ տեղադրուած ատրպէյճանական բանակի սպաննուած զինուորականներուն մէջ բաւական մեծ թիւ կը կազմեն օդաչուները: Անոնք առնուազն քանի մը տասնեակ են, ինչ որ կ’ապացուցէ հայկական կողմի պնդումները ատրպէյճանական օդուժի, մասնաւորապէս մարտական օդանաւներու յաջող խոցումներու մասին:
«Ահռելի քանակ են կազմում նաեւ յատուկ նշանակութեան ստորաբաժանումների սպանուած մարտիկների լուսանկարները, սա նոյնպէս օրինաչափ է, քանի որ յարձակողական գործողութիւնների ընթացքում ատրպէյճանական բանակի ղեկավարութիւնն առաջին գիծ է մղում հիմնականում հենց այդ ստորաբաժանումներին այն պարզ պատճառով, որ սովորական հետեւակի կարողութիւններին, ըստ ամենայնի, այնքան էլ չի վստահում: Մեծ թիւ են կազմում նաեւ հրամանատարները, հաշուի առնելով, որ Արցախի Պաշտպանութեան Բանակի գործողութիւնների արդիւնքում ոչնչացուել են ատրպէյճանական ամբողջական ստորաբաժանումներ, մեծ թուով հրամանատարների առկայութիւնն առաւել քան սպասելի է»,- նշուած է տեսանիւթով:
Պաշտպանութեան նախարարութիւնը նշած է, որ նման հարթակներու առկայութիւնը եւ անոնց արագ տարածումը ատրպէյճանցի օգտատէրերու մէջ կը վկայէ, որ ատրպէյճանական հանրութեան մօտ մեծ դժգոհութիւն կը հասուննայ կապուած բանակի ահռելի կորուստներու ու անոր վերաբերեալ տեղեկատուութիւնը թաքցնելու հետ:
«Յատկանշական է, որ զոհուածների ոչ պաշտօնական ֆոտոշարքում լուսանկարներու շարքում յայտնուում են նրանք, որոնք օրեր առաջ տեսանիւթեր էին հրապարակում՝ իբր գրաւուած տարածքներից իրենց ողջոյնն են ուղարկում Ատրպէյճանի միապետին»,- նշուած է ՊՆ տարածած տեսանիւթով:
Պաշտպանութեան նախարարութիւնը եւս մէկ անգամ կը նշէ, որ Ատրպէյճանի ղեկավարութիւնը չի փորձեր մարտադաշտէն դուրս հանել իր սպաննուածներու մարմինները, ինչ որ անոնց մեծ թիւը, ինչպէս նաեւ անոնց շարքերուն մէջ թուրք զինծառայողներու ու սուրիացի ահաբեկիչներու առկայութիւնը թաքցնելու լաւագոյն միջոցն է:
