«Հայաստան» Համահայկական Հիմնադրամի Հոգաբարձուներու խորհուրդը հաստատած է Հայկակ Արշամեանի թեկնածութիւնը Հիմնադրամի գործադիր տնօրէնի պաշտօնին՝ 3 տարի ժամկէտով:
«Հայաստան» Համահայկական Հիմնադրամի գործադիր տնօրէնի պաշտօնի համար յայտարարուած մրցոյթին համար յայտերու ընդունման ժամկէտն աւարտած էր 31 Օգոստոսին: Ստացուած էր 42 յայտ 7 տարբեր երկիրներէ (Հայաստան, Ռուսաստան, ԱՄՆ, Մեծ Բրիտանիա, Ֆրանսա, Զուիցերիա, Լիբանան): Ընտրող յանձնաժողովը, որուն մէջ ընդգրկուած էին Հայաստանի եւ Արցախի նախագահներու, ՀՀ վարչապետի ներկայացուցիչները, Հիմնադրամի հոգաբարձուներու խորհուրդի անդամ Ալպերթ Պօղոսեանը եւ Հիմնադրամի գործադիր տնօրէնի ժամանակաւոր պաշտօնակատար Պետրոս Թերզեանը, քննելով յաւակնորդներու գործերը, 10 ìեպտեմբեր 2018-ի նիստին անոնցմէ 12-ին հետ հարցազրոյցի եւ յետ-խորհրդակցութեան արդիւնքով յաղթող ճանաչուած է պարոն Արշամեանը, որուն թեկնածութիւնն ալ առաջադրուած էր հոգաբարձուներու խորհուրդի հաստատման:
