Հայաստանը այս տարուայ առաջին կիսամեակին՝ Յունուար-Յունիսին, ամենամեծ ծաւալի արտահանում իրականացուցած է դէպի Ռուսաստան, ապա Արաբական Միացեալ Էմիրութիւններ ու Չինաստան: Արտահանման ծաւալները, սակայն, նուազած են:
Այս մասին կը վկայեն Վիճակագրական Կոմիտէի հրապարակած ցուցանիշները:
Հայաստանը այս տարուայ առաջին կիսամեակին արտահանած է 3 միլիառ 755 միլիոն 639,8 հազար տոլարի արտադրանք, ինչ որ նախորդ տարուայ նոյն ժամանակահատուածին նկատմամբ նուազած է 52,8 տոկոսով:
ԵԱՏՄ երկիրներ արտահանումը կազմած է 1 միլիառ 446 միլիոն 588.2 հազար տոլար, որ 2024-ի նոյն ժամանակահատուածին նկատմամբ նուազած է 5,2 տոկոսով: ԵՄ երկիրներ արտահանումը աճած է 1,8 տոկոսով՝ կազմելով 286 միլիոն 763,3 հազար տոլար:
Հայաստանը այս տարուայ առաջին 6 ամսուան մէջ ամենամեծ ծաւալի արտահանումը ըրած է Ռուսաստան՝ 1 միլիառ 346 միլիոն 124,8 հազար տոլարի, որ նախորդ տարուայ նոյն ժամանակահատուածին նկատմամբ նուազած է 6,2 տոկոսով: Հայաստանէն արտահանման ծաւալներով երկրորդը Արաբական Միացեալ Էմիրութիւններն է՝ 1 միլիառ 90 միլիոն 790,6 հազար տոլար ծաւալով, ցուցանիշը նուազած է 70,3 տոկոսով: Երրորդ տեղը Չինաստանն է՝ 288 միլիոն 320,2 հազար տոլար արտահանման ծաւալով, այն նախորդ տարուայ առաջին 6 ամսուայ նկատմամբ նուազած է 59,6 տոկոսով:
37.5 անգամ աճած է Պրազիլ արտահանումը՝ կազմելով 2 միլիոն 951,1 հազար տոլար: 2.7 անգամ աւելցած է դէպի Ճափոն արտահանումը՝ կազմելով 10 միլիոն 276 հազար տոլար: Աւստրիա արտահանուած է 5 միլիոն 415,4 հազար տոլարի ապրանք՝ նախորդ տարուայ նոյն ժամանակաշրջանի նկատմամբ աճելով 2.6 անգամ:
Ինչ կը վերաբերի ապրանքատեսակներուն, ապա Հայաստանը կրկին ամենաշատը արտահանած է թանկարժէք եւ կիսաթանկարժէք քարեր, թանկարժէք մետաղներ եւ անոնցմէ պատրաստուած իրեր՝ 1 միլիառ 299 միլիոն 506,7 հազար տոլարի, սակայն այն նախորդ տարուայ նոյն ժամանակաշրջանին նկատմամբ նուազած է 77 տոկոսով: Ծաւալներով երկրորդը մեքենաներ, սարքաւորումներ եւ մեխանիզմներն են՝ 551 միլիոն 200,3 հազար տոլարի, նախորդ տարուայ առաջին 6 ասմուայ նկատմամբ այն նուազած է 9,4 տոկոսով: Արտահանման ծաւալներով երրորդ տեղը պատրաստի սնունդի արտադրանքն է, առաջին 6 ամսուան մէջ Հայաստանէն արտահանուած է 550 միլիոն 774,5 հազար տոլարի, նախորդ տարուայ առաջին 6 ամսուայ նկատմամբ աճը 31,9 տոկոս է:
