Կը շնորհաւորեմ Ձեզ՝ Հայաստանի հետ խաղաղութեան համաձայնագրի վրայ աշխատանքի աւարտին: ԱՄՆ-ի նախագահ Թրամփ անհամբեր կը սպասէ այս համաձայնագրի ստորագրման եւ վաւերացման գործընթացին: Պաքուի մէջ Հարաւային կազային միջանցքի խորհրդատուական խորհուրդի 11-րդ նախարարական հանդիպման այս մասին յայտնած է ԱՄՆ Պետական Քարտուղարութեան ուժանիւթային միջոցներու բիւրոյի աւագ խորհրդական Էրիք Ճէյքոպզ։
«Այս ամէնը պիտի նպաստէ տնտեսական զարգացման՝ ապահովելով կայունութիւն եւ խաղաղութիւն տարածաշրջանին մէջ: Կայուն խաղաղութիւնը վերջ պիտի դնէ տարածաշրջանին մէջ բռնութիւններու շրջանին եւ Հարաւային Կովկասի մէջ սկիզբ պիտի դնէ անվտանգութեան ու բարգաւաճման: Մենք բարձր կը գնահատենք այն քայլերը, որոնք դուք կ’ընէք այս ճանապարհին»,- նշած է Էրիք Ճէյքոպզ:
