Պաշտպանութեան ոլորտին մէջ ՀՀ-ԱՄՆ համագործակցութեան ծիրին մէջ, Ապրիլ 1-ին, ԱՄՆ շարժական հրահանգիչներու խումբը այցելած է Հայաստանի Հանրապետութիւն:
Պաշտպանութեան նախարարութեան վարչական համալիրին մէջ Ապրիլ 1-5 հրահանգիչները ՊՆ տեղեկատուութեան եւ հասարակայնութեան հետ կապերու վարչութեան եւ «Զինուժ Մետիա» պետական հիմնարկի ծառայողներուն հետ պիտի կայացնեն հանրային կապերու եւ հաղորդակցութեան ոլորտին մէջ փորձի փոխանակման վարժանքներ:
Ծրագրի մեկնարկին ընթացքին խօսքով հանդէս եկած է ՀՀ պաշտպանութեան նախարարի առաջին տեղակալ, ԶՈՒ ԳՇ պետ, զօրավար-լեյթենանթ Էտուարտ Ասրեանը։
