Ատրպէյճանը կը մերժէ Հայաստանի բոլոր առաջարկները, այդ շարքին նաեւ սահմանէն զօրքերու հայելային ետքաշման մասին. «Չեխիոյ Հանրապետութիւնը, յայտարարութիւններէն բացի, ի՞նչ գործիքակազմ պէտք է կիրառէ՝ Ատրպէյճանը բանակցային սեղանին վերադարձնելու համար»: Չեխիոյ Հանրապետութեան Պատգամաւորներու պալատի խօսնակ Մարքեթա Փեքարովա Ատամովայի եւ ՀՀ Ազգային Ժողովի նախագահ Ալէն Սիմոնեանի համատեղ ասուլիսին լրագրողները այսպիսի հարցում հնչեցուցին՝ ուղղուած Չեխիոյ Հանրապետութեան Պատգամաւորներու պալատի խօսնակին:
Ի պատասխան Մարքեթա Փեքարովա Ատամովան ընդգծեց, որ երբեք պէտք չէ յանձնուիլ. «Պաքու իմ այցի ժամանակ ես անպայման այս հարցերը պիտի բարձրացնեմ, թէ ինչու իրենք չեն ուզեր լուծումներ գտնել, որ պիտի յարգուի նաեւ ՀՀ ներկայացուցիչներուն կողմէ: Մենք, ի հարկէ, պիտի օգտագործենք մեր բոլոր հնարաւորութիւնները, որպէսզի կարենանք ճնշում գործադրել Ատրպէյճանի վրայ, որպէսզի շարունակեն մասնակցիլ բանակցութիւններուն»: