TRIPP նախագիծի զարգացումներուն զուգահեռ կը սպասուի Հայաստան-Թուրքիա սահմանի, ապա նաեւ Հայաստան-Ատրպէյճան, Հայաստան-Թուրքիա երկաթուղային հաղորդակցութեան բացում, յայտնած է վարչապետ Նիկոլ Փաշինեան:
Առաջին անգամ Երեւանի մէջ տեղի ունեցող Հայաստան–Միացեալ Թագաւորութիւն առեւտրային համաժողովին մասնակցող Փաշինեան այս յայտարարութիւնը ըրած է հայ – ամերիկեան TRIPP նախագիծի մասին խօսելու ատեն: Այդ ճանապարհը Հայաստանի հարաւով անխոչընդոտ կապ պիտի ապահովէ Ատրպէյճանի եւ Նախիջեւանի միջեւ:
«Հայաստանը եւ մեր տարածաշրջանը գտնւում են փոխակերպման փուլում, որը կապուած է Հայաստանի եւ Ատրպէյճանի միջեւ հաստատուած խաղաղութեան եւ սրանից բխող զարգացումների հետ։ Մենք հիմա ամէնօրեայ ռեժիմով աշխատում ենք TRIPP նախագծի իրագործման մեկնարկը գետնի վրայ տալու ուղղութեամբ, որը միանշանակ եւ աներկբայ ոչ միայն Հայաստանի Հանրապետութեան, այլեւ տարածաշրջանի ողջ տնտեսական միջավայրը փոխելու անկիւնաքար է լինելու: Արդէն իսկ այդպիսին է, որովհետեւ այսօր իսկ մենք զգում ենք Հայաստանի շուրջ ներդրումային գրաւչութեան որոշակի աշխուժութիւն»,- ըսած է վարչապետը:’
Հայաստանցի պաշտօնեաներուն խօսքով՝ Սիւնիքի մէջ TRIPP-ի շինարարութիւնը, ամենայն հաւանականութեամբ, պիտի մեկնարկէ յաջորդ տարեսկիզբին: Վարչապետը իր ելոյթին մէջ չէ յստակացուցած, թէ երբ կը սպասուի 30 տարիէ աւելի փակ հայ-թրքական սահմանի եւ Թուրքիոյ ու Ատրպէյճանի հետ երկաթուղային հաղորդակցութեան բացումը:
