Իրանի հիւսիսարեւմտեան շրջանի եւ Արեւելեան Ատրպատականի պաշտպանութեան համակարգի ղեկավար Մոհամմատ Պէյկ, խօսելով Մեծամորի աթոմակայանի աղտոտուածութեան մակարդակի խնդիրին մասին, նշած է. «Ճառագայթներու չափման կայանը Արեւելեան Ատրպատականի ոչ-աշխոյժ պաշտպանութեան կարեւորագոյն յենակէտերէն մէկն է՝ ելեկտրակայաններու եւ բժշկական կեդրոններու աղտոտուածութեան մակարդակը ստուգելու առումով:
Վերջին մէկ տարուան ընթացքին դիտորդութեան ենթարկուած է Հայաստանի Մեծամորի աթոմակայանը, որուն արդիւնքները կը խօսին ճառագայթային աղտոտուածութեան բացակայութեան մասին»:
Ան յաւելած է. «Յիշեալ աթոմակայանը անվտանգ է, չնայած նման կեդրոններու առկայութիւնը հաւանական վտանգ կը ներկայացնէ, այն կ’աշխատի Հիւլէական ուժանիւթի միջազգային գործակալութեան հսկողութեան ներքոյ»:
