Արցախի տեղեկատուական շտաբը յայտնած է Արցախի Հանրապետութեան լուծարման վերաբերեալ ԼՂ ղեկավարի հրամանին մասին․
«Արցախի Հանրապետութեան նախագահ Սամուէլ Շահրամանյեանը հրամանագիր է ստորագրել ստեղծուած իրավիճակից բխող գործողութիւնների մասին։
Համաձայն հրամանագրի՝ ստեղծուած ռազմաքաղաքական ծանր իրավիճակի կապակցութեամբ, ելնելով Արցախի ժողովրդի ֆիզիքական անվտանգութեան եւ կենսական շահերի ապահովման առաջնահերթութիւնից, հաշուի առնելով ռուսական խաղաղապահ ուժերի հրամանատարութեան միջնորդութեամբ ձեռք բերուած պայմանաւորուածութիւնը, Ատրպէյճանի ներկայացուցիչների հետ պայմանաւորուելով, որ Լեռնային Ղարաբաղի բնակիչների, այդ թւում՝ զէնքերը վայր դրած զինուորականների ազատ, կամաւոր եւ անխոչընդոտ երթեւեկն ապահովուում է Լաչինի միջանցքի երկայնքով, որոշուել է.
1. Մինչեւ 2024 թուականի Յունուարի 1-ը լուծարել գերատեսչական բոլոր պետական հիմնարկները եւ կազմակերպութիւնները։ Լեռնային Ղարաբաղի (Արցախի) Հանրապետութիւնը դադարում է գոյութիւն ունենալ։
- Լեռնային Ղարաբաղի բնակչութիւնը, այդ թւում՝ հանրապետութիւնից դուրս գտնուող, սոյն հրամանագրի՝ ուժի մէջ մտնելուց յետոյ ծանօթանում է Ատրպէյճանի կողմից ներկայացուած վերահամարկման պայմաններին՝ անկախ եւ անհատական որոշում կայացնելու նպատակով, ապագայում Լեռնային Ղարաբաղում մնալու (վերադառնալու) հնարաւորութեան մասին։
սոյն հրամանագիրն ուժի մէջ է մտնում հրապարակման պահից անմիջապէս յետոյ»։
