Վարչապետ Նիկոլ Փաշինեան հեռախօսազրոյց ունեցած է Ֆրանսայի նախագահ Էմանուէլ Մաքրոնի հետ:
Զրուցակիցները անդրադարձած են տարածաշրջանին մէջ առկայ իրադրութեան:
Վարչապետ Նիկոլ Փաշինեան ընդգծած է Ատրպէյճանի կողմէ Լաչինի միջանցքի ապօրինի արգելափակման հետեւանքով Լեռնային Ղարաբաղի մէջ մարդասիրական ճգնաժամի օրէ օր խորացումը, ինչպէս նաեւ շեշտած է անոր յաղթահարման ու լուծման ուղղուած քայլերու անհրաժեշտութիւնը:
Զրուցակիցները ընդգծած են տարածաշրջանին մէջ կայունութեան ու խաղաղութեան ապահովման ուղղութեամբ հետեւողական ջանքերուն կարեւորութիւնը: