Նոյեմբեր 9-ի եռակողմ յայտարարութեան 6-րդ կէտով ամրագրուած կարգը պէտք է վերականգնուի, «Euronews» հեռուստաընկերութեան տուած հարցազրոյցին ընթացքին ըսած է վարչապետ Նիկոլ Փաշինեան՝ անդրադառնալով Լաչինի միջանցքի ապօրինի արգելափակման։
Արդէն շուրջ 7 ամիսէ Ատրպէյճանը փակած է Արցախը Հայաստանին կապող միակ ճանապարհը՝ Լաչինի միջանցքը։
Յիշեցնելով ՄԱԿ-ի Արդարադատութեան Միջազգային Դատարանի՝ Լաչինի միջանցքը բանալու մասին 2023-ի Փետրուար 22-ի եւ Յուլիս 6-ի որոշումները՝ վարչապետը կրկին արձանագրած է, որ միջազգային բարձրագոյն դատական ատեանի իրաւաբական պարտադիր ուժ ունեցող որոշումները Ատրպէյճանի կողմէ մինչ օրս չեն կատարուած։
Վարչապետը խօսած է նաեւ մարդասիրական ճգնաժամի, գերիներու ու պահուող անձերու վերադարձին, ինչպէս նաեւ միջազգային մեխանիզմի ներքոյ Ստեփանակերտ-Պաքու երկխօսութեան անհրաժեշտութեան մասին։
