Եւրոպայի Խորհուրդի Խորհրդարանական Վեհաժողովի նախագահ Թինի Քօքս Պաքուին կոչ ըրած է հաւատարիմ մնալու ստանձնած պարտաւորութիւններուն եւ բանալու Լաչինի միջանցքը, որպէսզի հնարաւոր ըլլայ Լեռնային Ղարաբաղի բնակչութեան օգնութիւն հասցնել:
«Բոլորը կ’ընդունին, որ Լեռնային Ղարաբաղը Ատրպէյճանի մաս է, սակայն այդ Ատրպէյճանի կառավարութեան իրաւունք չի տար այդ մարդոց հետ ընելու ինչ որ կ’ուզէ: Լաչինի միջանցքին արգելափակումը լուրջ աղէտի պատճառ կրնայ դառնալ Լեռնային Ղարաբաղի մէջ ապրող հազարաւոր մարդոց համար, որոնք կախուած են Հայաստանի հետ միջանցքէն: Այն փակուած է, եւ այդ Ատրպէյճանի ստանձնած պարտաւորութիւններու խախտում է: Վեհաժողովը խստօրէն կոչ կ’ընէ Ատրպէյճանին հետեւելու ստանձնած պարտաւորութիւններուն, վերաբանալու միջանցքը, որպէսզի հնարաւոր ըլլայ օգնութիւն հասցնել Լեռնային Ղարաբաղ», ըսած է ԵԽԽՎ նախագահը: