Ազգային Ժողովին մէջ, ՀՀ 2022 թուականի պետական պիւտճէի տարեկան հաշուետուութեան քննարկման նիստերուն, վարչապետ Նիկոլ Փաշինեանը իր եզրափակիչ ելոյթին մէջ անդրադարձաւ նաեւ իր անվտանգութեան հարցին եւ ըսաւ. «Ուզում էք ասել, որ այսօր իմ անվտանգութեան վրայ աւելի շատ միջոց է ծախսւում, քան Սերժ Սարգսեանի ու Ռոպերթ Քոչարեանի՞: Ես ինքս անձամբ տասնեակ անգամներ տեսել եմ, որ երբ նախկինում Սերժ Սարգսեանը կամ Ռոպերթ Քոչարեանը պիտի գնային մարզ, ամէն ծառի տակ մի ոստիկան էր կանգնում՝ մեն-մենակ, ծառերի տակ, անձրեւի տակ կուչ եկած: Ի տարբերութիւն դրա՝ այսօր ոստիկանները ոչ թէ ծառերի տակ կուչ եկած են, այլ նոփ-նոր, իւղը վրեն ինքնաշարժներով, բոլորովին նոր տեխնիկայով, նոր հագուստով, նոր աշխատավարձով, ընկերային երաշխիքների նոր համակարգով իրենց ծառայութիւնն են իրականացնում եւ ծառայում են 24 ժամ: Ես Երեւանի փողոցներով տասնեակ քմ-երով քայլում եմ, ինչի դուք կարո՞ղ էիք Սերժ Սարգսեանին կամ Ռոպերթ Քոչարեանին փողոցում տեսնել: Կամ երբ Ռոպերթ Քոչարեանը մտնում էր սրճարան, հետեւից դիակներ էր թողնում»:
«Վազգէն Սարգսեանը Ղարաբաղը տալիս էր, հա՞, դրա համար սպաննուե՞ց, թէ՞ կարող է դուք էիք Մեղրին տալիս, դրա համար սպաննուեց», ընդգծեց Նիկոլ Փաշինեան եւ յաւելեց, որ Արցախի խնդիրին շատ մանրամասն պիտի անդրադառնայ Քննիչ Յանձնաժողովին մէջ:
