Ատրպէյճանի կողմէ նոր մագլցումի հրահրման վտանգը կը շարունակէ մնալ բարձր, ըսած է ՀՀ արտաքին գործերու նախարար Արարատ Միրզոյեանը` Արտաքին Գործերու Նախարարութեան մէջ Եւրոպայի Խորհուրդի Հայաստանի համար իրականացուող գործողութիւններու 2023-2026 թուականներու ծրագրի մեկնարկի արարողութեան ծիրէն ներս իր ելոյթին մէջ:
«Մենք ապրում ենք անվտանգային բազում սպառնալիքներով լի տարածաշրջանում: Աւելի քան 2 ամիս է, ինչ Ատրպէյճանի կողմից Լաչինի միջանցքի շրջափակման հետեւանքով շարունակւում է մարդասիրական ճգնաժամը ԼՂ-ում», ըսած է Միրզոյեան:
Անոր խօսքով` Ատրպէյճան կը շարունակէ պատանդառութեան մէջ պահել հայ ռազմագերիները եւ քաղաքացիական անձերը, բազմաթիւ անհետ կորսուած անձերու եւ բռնի անհետացածներու ճակատագիրը կը մնայ չպարզուած: 2021 թուականի Մայիսին եւ Նոյեմբերին, ինչպէս նաեւ 2022 թուականի Սեպտեմբերին ձեռնարկուած նախայարձակման հետեւանքով ՀՀ ինքնիշխան տարածքները յայտնուած են ատրպէյճանական բռնագրաւման ներքոյ: «Իսկ Ատրպէյճանի կողմից նոր մագլցումի հրահրման վտանգը շարունակում է մնալ բարձր», նշած է Միրզոյեան: