Վարչապետ Նիկոլ Փաշինեան Ջերմուկի մէջ հանդիպում ունեցած է Արտաքին Գործերու Նախարարութեան կեդրոնական աշխատակիցներու կազմի եւ օտարերկրեայ պետութիւններուն մէջ ՀՀ դիւանագիտական ծառայութեան մարմիններու ղեկավարներուն հետ:
Արտաքին գործերու նախարար Արարատ Միրզոյեան շնորհակալութիւն յայտնած է վարչապետին՝ հանդիպման մասնակցելու համար եւ ներկայացուցած է նման հանդիպում ու քննարկումներ անցընելու նպատակները:
Վարչապետը ողջունած է նախաձեռնութիւնը եւ իր խօսքին մէջ անդրադարձած է Հայաստանի արտաքին քաղաքական առաջնահերթութիւններուն, առկայ մարտահրաւէրներուն, խնդիրներուն, զանոնք դիմագրաւելու հնարաւորութիւններուն, ինչպէս նաեւ խօսած է դիւանագէտներու գործունէութեան ու անոնցմէ ունեցած ակնկալիքներուն մասին: Վարչապետ Փաշինեան պատասխանած է շարք մը հարցերու: