Եւրոմիութեան դիտորդները ուղեւորուած են հայ-ատրպէյճանական սահման` պարեկութիւն իրականացնելու: Այս մասին տեղեկացուցած է Եւրոմիութեան արտաքին քաղաքականութեան եւ անվտանգութեան հարցերով բարձր ներկայացուցիչ Ժոզեփ Պորէլի ղեկավարութեամբ գործող Եւրոպական Արտաքին Գործողութեան Ծառայութիւնը:
Ծառայութիւնը Թուիթըրի մէջ գրառմամբ կը նշէ, որ ԵՄ առաքելութիւնը պիտի հետեւի սահմանի հայկական կողմը տիրող իրավիճակին` վստահութիւն ձեւաւորելու եւ սահմանային յանձնաժողովներուն աջակցելու համար:
Քաղաքացիական դիտորդական առաքելութեան տեղակայման մասին որոշումը կայացուած է այս ամսուան սկիզբը Փրակի մէջ` Հայաստանի, Ատրպէյճանի, Ֆրանսայի ու Եւրոպական Խորհուրդի ղեկավարներու հանդիպման բերումով: Եւրոպացի անզէն 40 դիտորդները Հայաստանի մէջ պիտի մնան առաւելագոյնը երկու ամիս: