Վարչապետ Նիկոլ Փաշինեան ընդունած է Ռուսիոյ Դաշնութեան փոխվարչապետ Ալեքսէյ Օվերչուքը: Վերջինս կը գլխաւորէ Ռուսիոյ պատուիրակութիւնը, որ Երեւանի մէջ կը մասնակցի Հայ-ռուսական միջտարածաշրջանային 9-րդ համաժողովին, Հայ-ռուսական գործարար երկխօսութեան եւ Հայ-ռուսական տնտեսական համագործակցութեան միջկառավարական յանձնաժողովի համանախագահներու հանդիպման:
Վարչապետը նշած է, որ չնայած ատրպէյճանական յարձակման հետեւանքով սահմանին լարուածութեան պահպանման` որոշում կայացուած է չյետաձգել միջոցառումները, որոնք ուղղուած են Հայաստանի եւ Ռուսիոյ միջեւ տարբեր ուղղութիւններով համագործակցութեան հետագայ զարգացման: Նիկոլ Փաշինեանը յոյս յայտնած է, որ Երեւանի մէջ տեղի ունեցող համատեղ միջոցառումները պիտի նպաստեն հետագայ փոխգործակցութեան ընդլայնման:
Զրուցակիցները քննարկած են հայ-ռուսական համագործակցութեան եւ երկուստեք հետաքրքրութիւն ներկայացնող այլ հարցեր:
