Գանատան Հայաստանի մէջ դեսպանութիւն կը բանայ․ Գանատայի արտաքին գործերու նախարար Մելանի Ժոլին իր երկրին այդ որոշումը կը համարէ հայկական ժողովրդավարութեան Գանատայի աջակցութեան աւելացման կարեւոր երաշխիք:
«Սա թոյլ պիտի տայ աւելի ամուր կապեր հաստատելու մեր երկիրներուն միջեւ եւ պիտի աւելցնէ Գանատայի աջակցութիւնը հայկական ժողովրդավարութեան: Քանի որ կայունութիւն ու անվտանգութիւն ապահովող կանոնները կ’ենթարկուին մարտահրաւէրներու, Գանատան պիտի աշխատի յանուն համաշխարհային խաղաղութեան եւ ժողովրդավարութեան պաշտպանութեան», նշած է Գանատայի արտաքին գործերու նախարարը թուիթըրեան իր գրառման մէջ:
ՀՀ արտաքին գործերու նախարար Արարատ Միրզոյեան ողջունած է բնակող դեսպան ունենալու Գանատայի որոշումը: «Սա աստիճանաբար զարգացող հայ-գանատական յարաբերութիւնների եւս մէկ հանգրուան է, որն էլ աւելի կ’ամրապնդի ընդհանուր արժէքների վրայ հիմնուած մեր երկկողմ համագործակցութիւնը», նշած է նախարար Միրզոյեանը: