Ազգային Ժողովի իշխող խմբակցութեան մէջ կը պնդեն, որ Հայաստանի քաղաքացիներուն համար ստեղծուած են բոլոր հնարաւորութիւնները` Ուքրանիոյ հետ սահմանակից պետութիւններու միջոցով Հայաստան վերադառնալու համար:
«Քաղաքացիական Պայմանագիր» խմբակցութեան պատգամաւոր Էտուարտ Աղաճանեան ընդգծեց, որ Ուքրանիոյ մէջ Հայաստանի դեսպանութիւնը տեղափոխուած է Լվով, քանի որ Քիեւը ռազմական գործողութիւններու կէտերէն մէկն է:
«Դեսպանութեան օգնութեամբ Ուքրանիայի ներսում հայ համայնքի ներկայացուցիչները մի տեղից այլ տեղ են տեղափոխուել: Մեր համայնքի ցանկացած ներկայացուցչի համար, որը ցանկութիւն ունի լքել տարածքը, բոլոր հնարաւորութիւնները ստեղծուած են` արեւմտեան կողմից, Ուքրանիայի հետ սահմանակից պետութիւնների միջոցով, վերադառնալու Հայաստան», ըսաւ Աղաճանեան` շեշտելով, որ Ուքրանիոյ մէջ Հայաստանի դեսպանութիւնը ամէն ինչ կ’ընէ, որ այդ գործընթացը աւելի հեշտ տեղի ունենայ: