Պըրնի Սէնտըրզ Յաղթեց Քալիֆորնիոյ Մէջ, Սակայն Ճօ Պայտըն՝ Դեմոկրատներուն Առաջատար Թեկնածուն

Երեքշաբթի, Մարտ 3-ին, Ամերիկայի 14 նահանգներու մէջ տեղի ունեցան նախնական՝ միջկուսակցական ընտրութիւններ, որոնց ընթացքին նախկին փոխ նախագահ Ճօ Պայտըն արձանագրեց անակնկալ յաղթանակներ:

Տասը նահանգներու մէջ, որոնց շարքին Թեքսասը, Մասաչուսէթցը Մինիսոթան, Ալապաման, Օքլահոման եւ այլ տեղեր Պայտըն արձանագրեց մեծ յաջողութիւններ, դառնալով Դեմոկրատ կուսակցութեան առաջատարը՝ յառաջիկայ Նոյեմբերին կայանալիք Ամերիկայի նախագահական ընտրութիւններուն:

Յառաջդիմական թեկնածու Պըրնի Սէնտըրզ յաղթանակներ արձանագրեց Ամերիկայի մեծագոյն նահանգին՝ Քալիֆորնիոյ մէջ, ինչպէս նաեւ Քոլորատեոյի եւ Եութայի մէջ, սակայն այս արդիւնքները սպասուածէն շատ աւելի համեստ էին:

People wait to vote during the presidential primary at the Santa Monica Public Library in Santa Monica, California on Super Tuesday, March 3, 2020 – Fourteen states and American Samoa are holding presidential primary elections, with over 1400 delegates at stake. Americans vote Tuesday in primaries that play a major role in who will challenge Donald Trump for the presidency, a day after key endorsements dramatically boosted Joe Biden’s hopes against surging leftist Bernie Sanders. The backing of Biden by three of his ex-rivals marked an unprecedented turn in a fractured, often bitter campaign. (Photo by Mark RALSTON / AFP) (Photo by MARK RALSTON/AFP via Getty Images)

Դեմոկարատ կուսակցութեան դրօշակակիրը դառնալու համար թեկնածուները պէտք ունին 1991 պատգամաւորի ձայներուն: Երեքշաբթի օրուայ արդիւնքներէն ետք, Ճօ պայտըն, մասնակի տուեալներով ունի 566 պատգամաւոր, իսկ Պըրնի Սէնտըրզ՝ 501:

Ամէնուրեք, նկատելի էր ընտրողներու մեծ եւ մասնակիցներու մեծ թիւ: Կը հաղորդուի որ ընտրական որոշ կեդրոններուն առջեւ մարդիկ ժամերով հերթի կը սպասէին են:

Կլէնտէլի Ընտրութիւնները
Նոյն օրը տեղի ունեցան նաեւ Կլէնտէլի քաղաքապետարանի ընտրութիւնները, որոնց ընթացքին եւս արձանագրուեցան անակնկալներ: Քաղաքապետական Խորհուրդի անդամ Վարդան Կարապետեան ստանալով 7426 ձայն, չկարողացաւ ապահովել իր վերընտրութիւնը: Խորհուրդի երեք բաց տեղերը ոչ վերջնական արդիւնքներով բաժին ինկան՝ Փոլա Տըվայնին, որ ստացաւ 13469 ձայն, Արտի Քացախեանին՝ 10939 ձայն, եւ Տան Պրոթմընին՝ 10432 ձայն: