Մայր Աթոռ Սուրբ Էջմիածնի մէջ տեղի ունեցած միաբանական ժողովի մասնակիցները հանդէս եկած են յայտարարութեամբ՝ շեշտելով, որ «մեր եկեղեցու ներքին կեանքի խնդիրները լուծում են ստանում ըստ դարերով նուիրագործուած ընթացակարգի՝ եկեղեցական կանոնական մարմինների միջոցով», եւ «խնդիրների լուծման կանոնական այլ ճանապարհներ եւ հարթակներ չկան:
«Վերջին օրերին համացանցում յայտնուել են նախաձեռնութիւններ եւ բողոքի կոչեր, որոնք հասցէագրուած են Աﬔնայն Հայոց Կաթողիկոսին եւ Մայր Աթոռ Սուրբ Էջﬕածնի ﬕաբանութեանը: Ցաւում ենք, որ դրանց ﬕացել են նաեւ հաւատաւոր զաւակներ, ովքեր անկեղծօրէն մտահոգուած են ﬔր Եկեղեցու առաքելութեամբ»,- ըսուած է յայտարարութեան մէջ, որ հրապարակած է Մայր Աթոռի տեղեկատուական համակարգը:
«Անուրանալի են անկախութիւնից ի վեր հայոց հայրապետների եւ ուխտապահ հոգեւորականների ջանքերով կատարուած աշխատանքները եւ արձանագրուած ձեռքբերուﬓերը հովուական, քարոզչական, կրթական, սոցիալական, բարեսիրական եւ ﬔր ազգային կեանքի այլ ոլորտներում: Մայր Աթոռ Սուրբ Էջﬕածինն իր աﬔնօրեայ գործունէութեամբ մշտապէս հետամուտ է հոգեւոր կեանքի բարենորոգմանն ու զարգացմանը` շարունակ ջանալով լուծել եկեղեցական կեանքում ի յայտ եկող խնդիրներն ու մարտահրաւէրները:
«Ցաւալի է, որ բողոքի յիշեալ գործընթացին խթանում են որոշ անհատներ, ովքեր իրենց անձնական շահերից ելնելով փորձում են ստուերել աﬔնքիս համար գնահատելի եւ կենսական նշանակութիւն ունեցող այս աւանդը` խաթարելով սուրբ Եկեղեցու աղօթական կեանքը եւ գայթակղութիւն դառնալով բարեﬕտ հաւատացեալների համար: Առաւել եւս ցաւում ենք, որ հանդէս են գալիս նաեւ անձեր, ովքեր ժամանակին հնարաւորութիւն ունէին իրենց ծառայութեան մէջ բարձրաձայնելու ու նպաստելու խնդիրների լուծմանը»,- ըսուած է յայտարարութեան մէջ:
Միաբանական ժողովը յորդորած է «հաւատացեալներին եւ հոգեւոր եղբայրներին, որ նրանք երեւան եկած խնդիրները համապատասխան կարգով բարձրաձայնեն իրենց հովիւների եւ առաջնորդների առջեւ, իսկ երբ չգտնուեն լուծուﬓեր, պատշաճ կերպով ներկայացուեն եկեղեցական բարձրագոյն ատեաններին»:
«Մայր Աթոռ Սուրբ Էջﬕածնի ﬕաբանական ժողովը համոզուած է, որ Հայաստանեայց Սուրբ Եկեղեցուն յուզող աﬔն ﬕ խնդրի առնչութեամբ կը կայացուի համապատասխան որոշում՝ գոհացում տալով հաւատացեալների սպասուﬓերին եւ կարիքներին: Մայր Աթոռ Սուրբ Էջﬕածնի ողջ ﬕաբանութիւնը հաւատարիմ է սրբազան իր ուխտին եւ ﬔր Տէր Յիսուս Քրիստոսի կողﬕց աւանդուած իր առաքելութեանը` ի խնդիր հայ ժողովրդի բարօրութեան եւ հայրենի ﬔր երկրի զօրացման», – ըսուած է յայտարարութեան մէջ:
