Home ԻՐԱՒՈՒՆՔ Կաշառակերութեան Ընկալման Ցուցակին մէջ Հայաստան՝ 113-րդն է

Կաշառակերութեան Ընկալման Ցուցակին մէջ Հայաստան՝ 113-րդն է

by MassisPost

Transparency International միջազգային հակակաշառակերութեան կազմակերպութիւնը հրապարակած է «Կաշառակերութեան ընկալման ցուցակ-2016»-ը՝ ամենամեայ հետազօտութիւնը, ուր Հայաստան՝ 113-րդն է (33 միաւոր):

Հետազօտութեան մէջ աշխարհի երկիրները դասակարգուած են՝ ըստ պետական ոլորտի կաշառակերութեան մակարդակի վերաբերեալ փորձագէտներու ու ձեռնարկատէրերու կողմէն տրուող գնահատականին. որքան ցած դիրքեր երկիրը զբաղեցնէ ցուցակին մէջ, այնքան բարձր է այնտեղ կաշառակերութեան ընկալման մակարդակը։ Հետազօտութեան մէջ ընդգրկուած են 176 երկիրներ:

Նշենք, որ 2015-ի «Կաշառակերութեան ընկալման ցուցակին» մէջ Հայաստան՝ 167 երկիրներու շարքին զբաղեցուցած էր 95-րդ հորիզոնականը (35 միաւոր):

Վարկանիշային ցանկին մէջ Վրաստան զբաղեցուցած է 44-րդ տեղը, Թուրքիա՝ 75-րդ, Ատրպէյճան 123-րդ, Իրանն ու Ռուսիա կիսած են 131-րդ տեղը։
Վարկանիշի առաջին հորիզոնականին են Դանիա եւ Նիւ Զիլանտան (90 միաւոր), երկրորդ տեղը Ֆինլանտան է (89 միաւոր), իսկ երրորդը՝ Շուետ (88 բալ)։

Վարկանիշը եզրափակած են Հիւսիսային Գորիան (12 միաւոր), Հարաւային Սուտանը (11 միաւոր) եւ Սոմալին (10 միաւոր)։

Transparency International-ն այս ցուցակը կը հրապարակուի ամէն տարի՝ 1995-էն սկսեալ։

Հարակից Նյութեր

Leave a Comment