ՀՀ վարչապետ Նիկոլ Փաշինեանը ՏԻՄ ընտրութիւններու քարոզարշաւի կապակցութեամբ կազմակերպուած «Քաղաքացիական պայմանագիր» կուսակցութեան դրամահաւաք երեկոյին ելոյթ ունեցած է՝ ըսելով․
«Երբ քննարկում ենք ՏԻՄ ընտրութիւնները, մենք արձանագրում ենք, որ ամէն տեղ չէ, որ պիտի յաղթենք։ Սա նրանից չէ, որ մենք յաւակնոտ չենք բառիս լաւ իմաստով, մեր քաղաքական յաւակնութիւնների կամ մեր նպատակադրումների ու վճռականութիւնների նուազել է։ Ընդհակառակը, դա նրանից է, որ մեր քաղաքական վճռականութեան սկզբունքայնութեան նշաձողը ամէն անգամուայ հետ աւելի ու աւելի բարձր է լինում, որովհետեւ նոյնիսկ այն համայնքներում, որտեղ ՔՊ-ն պարտւում է, այդ համայնքներում ՔՊ-ն յաղթում է, որովհետեւ ՔՊ-ն իշխանութեան է եկել համար մէկ կարգախօսով, որ ժողովուրդը որոշող է, եւ ժողովուրդն այսօր գիտի, որ որոշող է։ Մենք չենք քննում՝ ժողովուրդը արդար որոշեց, թէ անարդար որոշեց։ Այսօր ՀՀ իւրաքանչիւր քաղաքացի գիտի, որ իր ձայնը անձեռնմխելի է։ Հետեւաբար՝ ՏԻՄ բոլոր ընտրութիւններում յաղթում է ՔՊ-ն, կառավարութիւնն է յաղթում, մեծամասնութիւնն է յաղթում, որովհետեւ այդ մեծամասնութիւնն է, որ ժողովրդի մանտաթով ապահովել է այսօրուայ վիճակը»,- ըսած է վարչապետը։
«Ով չգիտի, թէ ինչ կարող էր լինել խորհրդարանական ընտրութիւններում մեր պարտութեան պարագայում․ մենք բոլորս դա գիտէինք։ Մարդիկ փողոցներում արդէն մեր ընտանիքների գնդակահարութիւններն էին բեմադրում, բայց մենք գնացել ենք այդ ճանապարհով, ասել ենք, որ եթէ ժողովուրդը որոշի, որ մեզ պէտք է գնդակահարել, մենք անմռունչ կը կանգնենք գնդակահարութեան պատի տակ»,- «Քաղաքացիական պայմանագիր» կուսակցութեան դրամահաւաք երեկոյի իր խօսքին մէջ ըսած է ՀՀ վարչապետ Նիկոլ Փաշինեան։
