«Երեւանեան երկխօսութիւն» համաժողովին մասնակցող թուրք բանագնացը հրաժարած է ըսելէ, թէ Անքարան երբ կը նախատեսէ բանալ հայ-թրքական սահմանը:
«Սահմանի բացման հարցը մենք այստեղ չենք քննարկած: Որոշած ենք, որ երբ ճիշդ ժամանակը գայ, երբ ձեւակերպումները վերջնական տեսքի բերուին, կը բանանք սահմանը: [Ալիջանի անցակէտի] շինարարութիւնը գրեթէ պատրաստ է, բայց կան որոշ հարցեր, որոնք պէտք է աւարտին հասցուին, այնտեղ մարդիկ պէտք է նշանակուին, համացանցային կապ պէտք է հաստատուի եւ այլն, եւ այդպէս շարունակ»,- ըսած է հայ-թրքական հարցով Անքարայի յատուկ ներկայացուցիչ Սերտար Քըլըչը:
Դիւանագէտը պնդած է, թէ խոչընդոտները «զուտ տեխնիկական ու բիւրոկրատական են, որոնք պիտի կարգաւորուին». – «մենք մեր քաղաքական կամքը յայտնած ենք 2022 թուականի Օգոստոսին: Բայց չեմ կրնար կանխատեսել, թէ երբ կը բացուի սահմանը, չեմ ուզեր սխալ տեղեկութիւն տալ»:
