Հեղինակաւոր «Los Angeles Times» պարբերականը հրապարակած է ծաւալուն զեկոյց՝ նուիրուած Հայաստանի զարգացման հեռանկարներուն եւ երկրի ներդրումային գրաւչութեան։
Հայաստանի արհեստագիտական ոլորտի զարգացման ռազմավարութիւնը, արձանագրուած յառաջընթացն ու յառաջիկայ նպատակները պարբերականին հետ զրոյցին ընթացքին ներկայացուցած է ՀՀ բարձր արհեստագիտական արդիւնաբերութեան նախարար Մխիթար Հայրապետեանը՝ ընդգծելով, որ երկիրը քայլ առ քայլ կը վերածուի տարածաշրջանային արհեստագիտական հանգոյցի։
Նախարարը անդրադարձած է ՀՀ կառավարութեան կողմէ իրականացուող համակարգային բարեփոխումներուն՝ շեշտադրելով պետական աջակցութեան 7-ամեայ ծրագրին նշանակութիւնը, որու ծիրին մէջ ներդրուած են հարկային արտօնութիւններ եւ ֆինանսական աջակցութեան մրցունակ մեխանիզմներ՝ նպատակ ունենալով արագացնել արհեստագիտական ոլորտի աճը եւ բարձրացնել միջազգային մրցունակությունը։
