ՀՀ Կեդրոնական Ընտրական Յանձնաժողովէն կը յայտնեն, որ ամփոփուած են Վաղարշապատի աւագանիի ընտրութիւններուն վերջնական արդիւնքները։
Մանտաթները կը բաշխուին հետեւեալ կերպ․
«Քաղաքացիական Պայմանագիր» – 19 մանտաթ
«Յաղթանակ» – 12 մանտաթ
«Մայր Հայաստան» – 2 մանտաթ:
Կեդրոնական Ընտրական Յանձնաժողովը, յիշեցնենք, աւելի վաղ ամփոփած էր Արմաւիրի մարզի Վաղարշապատ համայնքի աւագանիի ընտրութիւններուն նախնական արդիւնքները բոլոր 47 տեղամասերէն:
«Քաղաքացիական Պայմանագիր» կուսակցութիւնը ստացած է 15 հազար 298 քուէ:
Նոյեմբեր 16-ին Վաղարշապատի Տեղական ինքնակառավարման մարմիններու ընտրութիւններուն ՔՊ կուսակցութեան ցուցակը գլխաւորած է Արգիշտի Մեխակեանը:
