«Ատրպէյճանը Եւրոմիութեան եւ դաշինքի անդամ երկիրներու յուսալի գործընկերն է, մեր երկրին նկատմամբ երկակի չափանիշեր կիրառելը եւ անարդար մօտեցում դրսեւորելը չի նպաստեր տարածաշրջանին մէջ կայուն խաղաղութեան հաստատմանը», յայտնած է Ատրպէյճանի արտաքին գործերու նախարար Ճէյհուն Պայրամովը Չեխիոյ խորհրդարանի Պատգամաւորներու պալատի նախագահ Մարքեթա Փեքարովայի հետ հանդիպման ժամանակ։
Ատրպէյճանական պետական լրատուամիջոցներուն փոխանցմամբ՝ Պայրամով նաեւ ըսած է․- «30 տարուան ընթացքին առաջին անգամ Ատրպէյճանի եւ Հայաստանի միջեւ խաղաղութեան իրական պայմաններ կը ստեղծուին, եւ ԵՄ-ի ու անդամ որոշ երկիրներու կողմէ որեւէ պատրուակով Հայաստանին ռազմական օգնութիւն տրամադրելը կամ հովանաւորչութեան ճանապարհով Հայաստանը խաղաղ գործընթացէն դուրս բերելը վնաս պիտի հասցնէ Հարաւային Կովկասի մէջ կայուն խաղաղութեան հաստատման»։