Ռուսաստանի Անվտանգութեան Խորհուրդի քարտուղար Նիքոլայ Փաթրուշեւ յայտնած է, որ հայ-ատրպէյճանական կարգաւորումը հնարաւոր է միայն, եթէ անոր չմիջամտեն ոչ-տարածաշրջանային երկիրները։
«Կիրառոյթը այդ ցոյց կու տայ: Արեւմտեան երկիրներուն գործողութիւնները կը հրահրեն տարածաշրջանին մէջ իրավիճակի վատթարացում եւ կը նպաստեն հակասութիւններու պահպանման», ըսած է Փաթրուշեւ՝ ելոյթ ունենալով ԱՊՀ Անվտանգութեան Խորհուրդի քարտուղարներու հանդիպման ընթացքին:
Մինչդեռ Ռուսաստանը, ըստ Փաթրուշեւի, հետեւողական քայլեր կը ձեռնարկէ, որ Երեւանն ու Պաքուն խաղաղութեան պայմանագիր կնքեն, տեղի ունենայ սահմանազատում, բացուին ճանապարհային հաղորդակցութիւնները:
Մոսկուայի մէջ տեղի ունեցող հաւաքին չի մասնակցիր Հայաստանի ԱԽ քարտուղար Արմէն Գրիգորեանը: Երեւանը պատճառը չէ նշած, Փաթրուշեւ միայն յայտնած է, որ այսօրուան հանդիպման Հայաստանը կը ներկայացնէ Ռուսաստանի մէջ դեսպան Վաղարշակ Յարութիւնեանը:
Աղբիւրը՝ azatutyun.am