Հայաստանի խորհրդարանին կողմէ Հռոմի Կանոնադրութեան վաւերացումը ոչ-ճիշդ որոշում է։ Այս մասին յայտնած է Ռուսիոյ նախագահի մամուլի խօսնակ Տմիթրի Փեսքով։
Ան նշած է, որ այժմ երկրի գործող ղեկավարութեան ուղղուած լրացուցիչ հարցեր ի յայտ եկած են։
Քրեմլինը բացարձակապէս համաձայն չէ Փաշինեանի հետ, որ այդ քայլը հիմնաւորած է երկրի անվտանգութեան կարիքներով։
«Քրեմլինը պիտի չփափաքէր, որ Փութինը երբեւէ ստիպուած ըլլայ չեղարկել այցը Հայաստան», նշած է ան։
Յիշեցնենք, որ ՀՀ Ազգային Ժողովը 60 կողմ, 22 դէմ ձայներով վաւերացուցած է Հռոմի Կանոնադրութիւնը։
