Ստեփանակերտ-Ասկերան ճանապարհին յարակից տարածքին մէջ վառելանիւթի պահեստին մէջ Սեպտեմբեր 25-ի պայթումէն տուժածները 200-էն աւելի են, մեծ մասին առողջական վիճակը կը գնահատուի ծանր, ծայրայեղ ծանր, յայտնած է Հայաստանի առողջապահութեան նախարար Անահիտ Աւանեսեանը։
Յայտնի է, որ տարբեր աստիճանի այրուածքներ ստացած է 290 մարդ։ Անոնցմէ 168-ն, ըստ Արցախի մարդու իրաւունքներու պաշտպան Գեղամ Ստեփանեանի, տեղափոխուած են Հայաստանի բժշկական հաստատություններ․ 96-ը՝ Հայաստանի եւ ռուս խաղաղապահներու ուղղաթիռներով, 72-ը՝ Հայաստանի շտապօգնութեան մեքենաներով՝ Կարմիր Խաչի Միջազգային Կոմիտէին ուղեկցութեամբ։
Հարցումին, թէ ռազմական գործողութիւններու հետեւանքով վիրաւորում ստացածներու ցուցանիշ կա՞յ, թէ քանի հոգին են Պաշտպանութեան բանակի զինուորներ եւ քանի հոգի՝ քաղաքացիական անձեր, նախարարը պատասխանեց, որ առանձնացուած ցուցանիշ այս պահին չի գիտեր, միեւնոյն ժամանակ շեշտելով․ «Ունենք ե՛ւ քաղաքացիական անձինք, ե՛ւ, ինչպէս նշեցիք, ՊԲ զօրախմբի անդամներ, նրանք գտնւում են բժշկական կեդրոններում, բուժում են ստանում»։
Սեպտեմբեր 24-ին 23 վիրաւոր տեղափոխուեցաւ Հայաստան։ Աւանեսեան ըսաւ, որ կ’ակնկալեն շտապօգնութեան մեքենաներով վիրաւորներու նոր մուտք Հայաստան, որովհետեւ չեն կրցած դեռ բոլորը տեղափոխել։
«Այս պահին մենք կարողացել են աճիւնների տեղափոխման հարցը լուծել, յաջորդիւ կը սկսեն նոյնականացման աշխատանքները։ 125 աճիւն տեղափոխուել է Հայաստան՝ դատաբժշկական փորձագիտական կեդրոնի համապատասխան տեղանքներ եւ ընթցքում կը հրապարակենք յաջորդիւ տուեալները», նշեց ան:
