ԱՄՆ պետական քարտուղար Էնթընի Պլինքըն զանգահարած է Ատրպէյճանի նախագահ Իլհամ Ալիեւին՝ քննարկելու համար «հետագայ ռազմական գործողութիւններու դադրեցման, խաղաղ բնակչութեան անվերապահ պաշտպանութեան ու տեղաշարժի ազատութեան եւ Լեռնային Ղարաբաղ մարդասիրական օգնութեան անարգել մուտքի առկայութեան անհրաժեշտութիւնը», ճեպազրոյցի ժամանակ յայտնած է Պետական Քարտուղարութեան ներկայացուցիչ Մեթիու Միլլըրը:
Ալիեւը ըսած է Պլինքընին, որ «հետագայ ռազմական գործողութիւններ պիտի չըլլան, եւ մենք կ’ակնկալենք, որ այդպէս ալ կ’ըլլայ», ըսած է Միլլըր:
«Ալիեւը նաեւ յայտնած է, որ ինք պիտի համաձայնի դիտորդական առաքելութեան, եւ դա պիտի կատարուի», յաւելած է Միլլըր։
Ներկայացուցիչը մանրամասներ չէ յայտնած Ղարաբաղի մէջ հաւանական միջազգային առաքելութեան ճշգրիտ մեխանիզմի մասին՝ յայտարարելով, որ այդ «կը մնայ տարածաշրջանին մէջ մեր դաշնակիցներու եւ գործընկերներու հետ քննարկման առարկայ»: