Հայաստանի տնտեսական աշխուժութեան ցուցանիշը 2023 թուականի Յունուար-Յուլիսին 10,4 տոկոսով աւելցած է նախորդ տարուան նոյն ժամանակահատուածին համեմատ: Այս մասին կը փաստեն ՀՀ Վիճակագրական Կոմիտէի հրապարակած տուեալները:
Արդիւնաբերական արտադրանքին ծաւալը այս տարուան Յունուար-Յուլիսին նախորդ տարուան նոյն ժամանակահատուածին համեմատ աւելցած է 0,5 տոկոսով:
Շինարարութեան ծաւալը 2023-ի Յունուար-Յուլիսին նախորդ տարուան նոյն ժամանակին համեմատ աւելցած է 17,2 տոկոսով:
Առեւտուրի շրջանառութեան մէջ 2023-ի առաջին 7 ամսուան մէջ 2022-ի նոյն ժամանակահատուածին նկատմամբ աւելացումը կազմած է 23 տոկոս:
Հայաստանի մէջ այս տարուան Յունուար-Յուլիսին մատուցուած ծառայութիւններուն ծաւալը նախորդ տարուան նոյն ժամանակահատուածին նկատմամբ աւելցած է 14,9 տոկոսով:
2023 թուականի Յունուար-Յուլիսին սպառողական գիներու ցուցակը 2022-ի Յունուար-Յուլիսին համեմատ աճած է 3,6 տոկոսով, իսկ արդիւնաբերական արտադրանքի գիներուն ցուցակը մնացած է նոյնը։
Ելեկտրականութեան արտադրութեան ծաւալը Յունուար-Յուլիսին նախորդ տարուան նոյն ժամանակին համեմատ նուազած է 3,5 տոկոսով:
Արտաքին առեւտրաշրջանառութեան ծաւալներուն մէջ այս տարուան առաջին 7 ամսուան մէջ նախորդ տարուան նոյն ժամանակին համեմատ արձանագրուած է 62,6 տոկոս աճ: Ընդ որում` 2023 թուականի Յունուար-Յուլիսին նախորդ տարուան նոյն ժամանակին համեմատ արտահանումը աճած է 62,1 տոկոսով, իսկ ներմուծումը՝ 63 տոկոսով:
Դրամին փոխարժէքը ԱՄՆ տոլարին նկատմամբ Յունուար-Յուլիս ամիսներուն կազմած է։
