Ատրպէյճանի Արտաքին Գործերու Նախարարութիւնը արձագանգած է հայ համայնքին հետ հանդիպման ժամանակ Էմանուէլ Մաքրոնի հնչեցուցած խօսքերուն՝ նշելով, որ Ֆրանսայի նախագահը հակաատրպէյճանական յայտարարութիւններ կ’ընէ եւ հայամէտ քաղաքականութիւն կը վարէ, ինչ որ անընդունելի է:
Ատրպէյճանի արտաքին քաղաքական գերատեսչութիւնը յաւելած է, թէ, իբր, Մաքրոնը նման յայտարարութիւններով կը խոչընդոտէ տարածաշրջանին մէջ խաղաղութեան հաստատման գործընթացը:
Մարսէյի մէջ հայ համայնքին հետ հանդիպման ժամանակ նախագահ Մաքրոն վստահեցուցած էր, որ Ֆրանսան վճռական է Հայաստանը եւ Արցախը պաշտպանելու հարցով:
