Հայաստանի մէջ նախորդ տարի նկատուած է օտարերկրեայ ուղղակի ներդրումներու մեծ ներհոսք, այն կազմած է ՀՆԱ-ի 5,1 տոկոսը:
Այս մասին ըսաւ տնտեսութեան նախարար Վահէ Յովհաննիսեանը Ազգային Ժողովի ֆինանսավարկային եւ պիւտճէտային հարցերու մշտական յանձնաժողովի նիստին Հայաստանի Հանրապետութեան 2022 թուականի պետական պիւտճէի կատարման տարեկան հաշուետուութիւնը հաստատելու մասին նախագիծի ներկայացման ընթացքին:
«Ունենք օտարերկրեայ ուղղակի ներդրումների մեծ ներհոսք, որը կազմել է ՀՆԱ-ի 5,1 տոկոսը: Սա շատ բարձր ցուցանիշ է վերջին տարիների համար», ըսաւ նախարարը:
Ըստ անոր` բաւականին բարձր է նաեւ դրամագլուխի կուտակման ցուցանիշը: Այսինքն` Հայաստանի տնտեսավարողները իրենք իրենց եկամուտները ներդրած են իրենց ընդհանուր կարողութիւններու զարգացման մէջ: «Վստահ ենք, որ առաջին տարիներին կը նկատենք այս ներդրումների դրական ազդեցութիւնը մեր տնտեսութեան կարողութեան վրայ», յաւելեց Յովհաննիսեան:
