Հայաստանի տնտեսական աշխուժութեան ցուցանիշը 2023 թուականի Յունուար-Մարտ ամիսներուն 12,2 տոկոսով աւելցած է նախորդ տարուան նոյն ժամանակահատուածին նկատմամբ:
Այս մասին կը փաստեն ՀՀ Վիճակագրական Կոմիտէին հրապարակած տուեալները:
Արդիւնաբերական արտադրանքին ծաւալը այս տարուան Յունուար-Մարտին նախորդ տարուան նոյն ժամանակահատուածին համեմատ աւելցած է 3,6 տոկոսով: Իսկ գիւղատնտեսական համախառն արտադրանքի ծաւալը տարուան առաջին 3 ամսուան մէջ աւելցած է 1,4 տոկոսով:
Շինարարութեան ծաւալը 2023-ի 3 ամիսներուն նախորդ տարուան նոյն ժամանակին համեմատ աւելցած է 15,6 տոկոսով:
Առեւտուրի շրջանառութեաան մէջ Յունուար-Մարտին 2022-ի Յունուար-Մարտի նկատմամբ յաւելումը կազմած է 21 տոկոս: Նոյն ժամանակահատուածին մատուցուած ծառայութիւններուն ծաւալը աւելցած է 22,9 տոկոսով: