Վարչապետ Նիկոլ Փաշինեան հեռախօսազրոյց ունեցած է Ռուսիոյ Դաշնութեան նախագահ Վլատիմիր Փութինի հետ:
Հեռախօսազրոյցին ընթացքին քննարկուած է Ատրպէյճանի կողմէ Լաչինի միջանցքի ապօրինի շրջափակման հետեւանքով Լեռնային Ղարաբաղի մէջ շարունակուող մարդասիրական ճգնաժամը:
Լեռնային Ղարաբաղի մէջ ճգնաժամի յաղթահարման ծիրին մէջ ՀՀ վարչապետը կարեւորած է Ռուսիոյ խաղաղապահ առաքելութեան կողմէ հետեւողական քայլերու իրականացումը: Քննարկուած են 2020 թուականի Նոյեմբեր 9-ի, 2021 թուականի Յունուար 11-ի, Նոյեմբեր 26-ի եւ 2022 թուականի Հոկտեմբեր 31-ի` Հայաստանի, Ռուսիոյ եւ Ատրպէյճանի առաջնորդներուն եռակողմ յայտարարութիւններու իրականացման, այդ շարքին` տարածաշրջանային ճանապարհային ենթակառուցուածքներու ապաշրջափակման վերաբերող հարցեր:
Միտքեր փոխանակուած են նաեւ հայ-ռուսական յարաբերութիւններու եւ անոնց մէջ տեղի ունեցող այլ զարգացումներուն շուրջ: