Տնտեսագէտ Սուրէն Պարսեանը Ֆէյսբուքի իր էջով գրած է․
«Հայաստանի Դրամատուների Միութիւնը հրապարակել է 2022 թուականի ընթացքում ՀՀ դրամատնային համակարգի միջոցով ֆիզիքական անձանց փոխանցումները դէպի Հայաստան ըստ երկրների: Տուեալներից պարզ է դառնում, որ 2022 թուականին փոխանցումների հոսքը աւելացել է 2,5 անգամ կամ մօտ 3 միլիառ տոլարով: Հիմնական նուիրատու երկրներ են հանդիսացել` ՌԴ, ԱՄՆ, Գերմանիան, Ֆրանսան, Ղազախստանը եւ այլն:
Պաշտօնական վիճակագրութեան համաձայն` 2022 թուականի Յունուար-Դեկտեմբեր ամիսներին Հայաստան են այցելել 790.397 ռուս զբօսաշրջիկներ, որոնց թիւը նախորդ տարուայ համեմատ 2,2 անգամ աւելի շատ է: Ռուս զբօսաշրջիներից մօտ 60 հազարը մնացել է Հայաստանում, ինչը նպաստել է Ռուսաստանից եկող դրամական հոսքերի կտրուկ աւելացմանը:
ԱՄՆ-ից, Գերմանիայից եւ Ֆրանսայից փոխանցումները պայմանաւորուած են շարունակուող արտագաղթով:
Ղազախստանից եկող գումարների ծաւալը գլխաւորապէս պայմանաւորուած է ինքնաշարժների առեւտրով»:
