«Թուրքիոյ եւ Հայաստանի յատուկ ներկայացուցիչները չորս զրոյց ունեցած են: Խօսքը յարաբերութիւններու աստիճանական կարգաւորման մասին է: Ատրպէյճանի յաղթանակէն յետոյ Թուրքիան հանդէս եկած է յանուն երկարաժամկէտ խաղաղութեան Հարաւային Կովկասի մէջ: Այս ուղղութեամբ քայլերը կը շարունակուին: Խօսքը Հայաստանի հետ օդային հաղորդակցութեան վերականգնման եւ այլն մասին է: Առեւտուրի ոլորտին մէջ եւս որոշակի ջանքեր ձեռնարկուած են»: Այս մասին յայտարարած է Թուրքիոյ արտաքին գործերու նախարար Մեւլութ Չաւուշօղլուն «Haber Global» հեռուստաալիքի եթերով:
Միաժամանակ թուրք նախարարը ենթակայական անուանած է Անգարայի եւ Երեւանի երկխօսութիւնը Հայաստանի եւ Ատրպէյճանի միջեւ շփումներէն առանձին ընկալելու փորձերը:
«Հարաւային Կովկասի մէջ երկարաժամկէտ խաղաղութեան գրաւականը Հայաստանի եւ Ատրպէյճանի միջեւ մասշտաբային խաղաղութեան համաձայնագիրն է: Պաքուն հնչեցուցած է իր նախաձեռնութիւնները, որոնց Երեւանը չէ պատասխանած: Ստեղծուած է համատեղ յանձնաժողով, որ պէտք է սկսի աշխատանքը: Խօսքը նաեւ «Զանգեզուրի միջանցք»ի մասին է: Սակայն Հայաստանի մէջ մտահոգուած են այս հարցով: Երեւանը պէտք է որոշի` կ’ուզե՞ն արդեօք իրենք խաղաղութիւն», շարունակած է թուրք նախարարը:
Չաւուշօղլուի խօսքով` երկու տարի անց հայկական զօրքերը դեռ չեն լքած «Ատրպէյճանի տարածքը»:
«Կարգաւորման գործընթացին մէջ Հայաստանի ոչ-անկեղծ ըլլալը ակնյայտ է բոլորին: Երեւանը պէտք է իմանայ, որ Անգարան Պաքուէն թաքնուած ծրագիրներ չունի: Մենք հանդէս կու գան յանուն խաղաղութեան», ամփոփած է Չաւուշօղլուն:
