Թուրքիոյ նախագահ Ռեջեփ Թայիփ Էրտողան վերջին իր ելոյթի ընթացքին օգտագործած է «գյավուր» (անհաւատ) բառը՝ թիրախաւորելով քրիստոնեաները:
Թուրքիոյ ընդդիմադիր քրդամէտ «ժողովուրդներու Դեմոկրատական Կուսակցութեան» (HDP) հայ պատգամաւոր Կարօ Փայլան, քննադատելով Էրտողանի ատելութեան խօսքը, այն համարելով անընդունելի:
Այս կապակցութեամբ Փայլան գրաւոր հարցապնդում ներկայացուցած է խորհրդարան՝ պահանջելով Թուրքիոյ փոխնախագահ Ֆուաթ Օքթայէն պատասխանել հետեւեալ հարցերուն.
1) Չգիտէ՞ք, որ «գյավուր» բառը ատելութեան խօսք է եւ սերունդներ շարունակ որպէս հայհոյանք օգտագործուած է ձեր համաքաղաքացիներուն դէմ:
2) Չգիտէ՞ք, որ «գյավուր» ատելութեան խօսքը կը յանգեցնէ ատելութեան յանցագործութեան:
3) Տեղեա՞կ էք, որ որպէս նախագահ ատելութեան խօսք օգտագործելը կը խախտէ ընկերային խաղաղութիւնը:
4) Ետ կը վերցնէ՞ք «գյավուր» արտայայտութիւնը եւ ներողութիւն կխնդրէ՞ք:
Փայլան նաեւ ըսած է, որ ինք, որպէս պատգամաւոր, բազմիցս «գյավուր» հայհոյանքով յարձակման ենթարկուած է:
«Պէտք է տեղեկացնեմ, որ նախագահին կողմէ օգտագործուած այդ ատելութեան խօսքը, որ ըստ Թուրքիաոյ լեզուագիտական ընկերութեան կը նշանակէ «անհաւատ, ոչ մուսուլման, անխիղճ, դաժան» բնաւ ընդունելի չէ»,- շեշտա է Կարօ Փայլան: