Ֆուտպոլի Հայաստանի ազգային հաւաքական առաջին յաղթանակը արձանագրեց Ազգերու Լիկայի Գ. դասակարգի երկրորդ խմբակէն ներս:
Երկրորդ շրջանի խաղերուն գծով հայկական թիմը Երեւանի Վազգէն Սարգսեանի անուան «Հանրապետական» մարզադաշտին վրայ ընդունեց Էստոնիայի հաւաքականին եւ վստահ յաղթանակ տարաւ 2:0 հաշուով:
Սպանացի անուանի մասնագէտ Խոակին Կապառոսի առաջին յաղթանակն էր այս՝ Հայաստանի հաւաքականի գլխաւոր մարզիչի պաշտօնին վրայ:
Առաջին շրջանի խաղին Հայաստան հիւրընկալուեցաւ Հիւսիսային Մակեդոնիայէն եւ պարտութիւն կրեց 1-2 հաշուով:
Սպանացի Խոակին Կապառոսի ղեկավարած խումբը կոլ բաց թողեց 5-րդ րոպէին: Խումբի աւագ, պաշտպան Վարազդատ Հարոյեանի խախտումէն յետոյ 5-րդ րոպէին 11 մեթրանոց նշանակուեցաւ Հայաստանի հաւաքականի մէջ նորամուտը նշող Դաւիթ Յուրչենկոյի պաշտպանած դարպասին: Կոլի հեղինակ դարձաւ յարձակող Էգզիեան Ալիոսկին:
36-րդ րոպէին սեփական տուգանային հրապարակին մէջ կանոնները խախտեց պաշտպան Յովհաննէս Համբարձումեանը: 11 մեթրանոցն արդիւնաւէտ իրացրեց յարձակող Իլիյա Նեստորովսկին:
Երկրորդ խաղակէսին աւելի ակտիւ սկսեցին Հայաստանի հաւաքականի ֆուտպոլիստները, որոնք մի քանի գրոհ կազմակերպեցին, սակայն գրաւել մրցակցի դարպասը չկարողացան:
Աւելացուած չորրորդ րոպէին կանոնները խախտեցին Բալեկեանի նկատմամբ: Բարսեղեանը դիպուկ իրացրեց 11 մեթրանոցը:
Յիշեցնենք, որ երկրորդ խումբին մէջ ընդգրկուած են նաեւ Էսթոնիայի եւ Վրաստանի հաւաքականները:
