Home ՀԱՅԱՍՏԱՆԱՐՑԱԽ Թուրքիան Չի Կրնար Դեր Ստանձնել ԼՂ Հարցին մէջ. Ռոպերթ Պրատքէ

Թուրքիան Չի Կրնար Դեր Ստանձնել ԼՂ Հարցին մէջ. Ռոպերթ Պրատքէ

by MassisPost

ԵԱՀԿ (Եւրոպայի մէջ Անվտանգութեան եւ Համագործակցութեան Կազմակերպութիւն) Մինսքի խումբի ամերիկացի նախկին համանախագահ, դեսպան Ռոպերթ Պրատքէն անհանգստացած է այն ամէնով, ինչ կը կատարուի Հայաստանի ու Ատրպէյճանի միջեւ: «Ամերիկայի ձայն»-ի հետ զրոյցին, դեսպան Պրատքէն նշած է, որ այդ հրադադարի լուրջ խախտում է եւ կարող է ծանր հետեւանքներ ունենալ:

«Այս հակամարտութիւնը այդքան ժամանակ կը շարունակուի: Հրադադարը հաստատուած է 1994 թուականին, բայց կը տեսնենք հրադադարի ռեժիմի բազմաթիւ խախտումներ: Այդ ժամանակուընէ ի վեր խաղաղ գործընթացը շատ անկայուն եղած է: Մինսքի խումբը յայտարուրութեամբ կոչ ըրած է դադրեցնել հրադադարի խախտումը: Այդ տեղի կ’ունենայ Հայաստան-Ատրպէյճան սահմանին, որու կարգավիճակը կասկածի տակ չի դրուիր»,-նշած է դեսպան Պրատքէն: Հարցին, թէ ինչու այդ սրացումն այս փուլին տեղի ունեցաւ, Ռոպերթ Պրատքէն նշեց, որ թերեւս փորձ տեղի կ’ունենայ միջազգային հանրութեան ուշադրութիւնը հրաւիրելու խնդիրին վրայ: Իր խօսքով, կ’ըլլայ իրավիճակ, երբ հակամարտութեան կողմերը կը սկսին կարծել, թէ միջազգային հանրութիւնը պատշաճ ուշադրութիւն չի դարձներ խնդիրին վրայ: Ըստ Պրատքէի՝ այսպիսի պարագային առկայ է գայթակղութիւն, դիմելու ուժին: Դեսպանը նկատեց, որ ատիկա տեղի կ’ունենայ այն ժամանակահատուածին, երբ առկայ է համավարակ եւ տնտեսական ճգնաժամ ամբողջ աշխարհով:

Անդրադառնալով Թուրքիոյ դերակատարութեանն ու յայտարարութիւններուն՝ դեսպանը նշեց, որ Թուրքիան սահմանակից է Հայաստանին ու փակած է սահմանը, ի պատասխան պատերազմի ժամանակ տեղի ունեցածին: Ան ընդգծած է, որ անիկա շատ մօտ յարաբերութիւններ ունի Ատրպէյճանի հետ, որու բնակչութիւնը ունի թրքական ցեղային ծագում:

«Պատմականօրէն հայ-թրքական յարաբերութիւնները այնքան ալ դրական չեն: Այնպէս, որ Թուրքիան, որքան ալ ցանականայ միջնորդական դեր ստանձնել, իրականութեան մէջ չի կրնար ընել այդ: Հայաստանը չի վստահիր Թուրքիոյ այն աստիճան, որ համաձայնի այդ առաքելութեան»,-ըսած է Պրաքտէ:

Դեսպանը յուսացած է, որ ստեղծուած իրավիճակին մէջ Թուրքիոյ դերը պայմանաւորուած կ’ըլլայ զսպուածութեան գործօնով Ատրպէյճանին յիշեցնելու համար բացայայտ հակամարտութեան հետեւանքներու մասին:

«Յիշեցնելու այն աղէտներուն մասին, որ անխուսափելի կ’ըլլան բոլոր կողմերուն համար: Ան կը վերացնէ քաղաքական, տնտեսական որեւէ հեռանկար այս տարածաշրջանի համար: Յոյս ունիմ, որ Թուրքիան կը հասկնայ, ըլլալով Ատրպէյճանի կողմէն, որ պէտք է ճիշդ խորհուրդ տայ իր դաշնակիցին, կոչ ընելով ետ կանգնելու զինուած բախումէն եւ աշխատիլ խաղաղ գործընթացի վրայ: Հայաստանի ու Ատրպէյճանի միջեւ նոր պատերազմը չի բխիր որեւէ մէկու շահերէն»,-նշած է դեսպանը:

Հարակից Նյութեր

Leave a Comment