Թուրքիոյ խորհրդարանի քրտամետ Ժողովուրդներու դեմոկրատական կուսակցութեան հայ պատգամաւոր Կարօ Փայլանը անդրադարձած է ԱՄՆ Ներկայացուցիչներու պալատի կողմէ Հայոց ցեղասպանութեան ճանաչման:
«Ֆէյսպուք»-ի իր էջին Փայլանը գրած է, որ տասնեակ խորհրդարաններէ ետք Հայոց ցեղասպանութիւնը ճանչցաւ նաեւ ԱՄՆ Քոնկրէսի Ներկայացուցիչներու պալատը:
«Մեր ցաւը դարձած է ուրիշներու խորհրդարանի քննարկման առարկան, քանի որ իմ երկիրը 105 տարի է՝ կը հերքէ հայ ժողովուրդի մեծ ողբերգութիւնը: Միակ խորհրդարանը, որ կրնայ բուժել հայ ժողովուրդի վէրքերը, Թուրքիոյ խորհրդարանն է, որուն անդամն եմ ես»,- նշած է ան: