Այս տարուայ առաջին եռամսեակին Հայաստան այցելած է 599 հազար 341 զբօսաշրջիկ, ինչը 18.2 տոկոսով աւելի է 2016 թուականի նոյն ժամանակահատուածի համեմատ: «Արմէնբրես»-ի հաղորդմամբ՝ լրագրողներու հետ հանդիպման ՀՀ տնտեսական զարգացման եւ ներդրումներու նախարարութեան Զբօսաշրջութեան պետական կոմիտէի նախագահ Զարմինէ Զէյթունցեան ըսած է, որ դէպի Հայաստան հիմնական հոսքը ապահոված է Իրանի շուկան` 17.7 տոկոս: «Երկրորդ տեղում Ռուսաստանն է` 7,5 տոկոսով, յաջորդ երկրները Չինաստանը, Գերմանիան եւ Ֆրանսիան են»,-ըսած է Զէյթունցեանը: Անոր խօսքով` Վրաստանը Հայաստանի համար եւս կրնայ շատ հետաքրքիր շուկայ ըլլալ, սակայն այդ ուղղութեամբ դեռ շատ ընելիքներ կան: «Եթէ մենք ուզում ենք Հայաստանն աւելի գրաւիչ դարձնել վրացի զբօսաշրջիկի համար, պէտք է կարողանանք մարքէթինկային յստակ քաղաքականութիւն վարել: Վրացի զբօսաշրջիկին Հայաստանում աւելի շատ կարող է հետաքրքրել միջոցառումային զբօսաշրջութիւնը»,-աւելցուցած է Զէյթունցեան:
Հայաստանի մէջ իրանցի զբօսաշրջիկներու աշխուժութիւն հիմնական կը նկատուի 15 մարտէն 4 ապրիլ ինկած ժամանակահատուածին` Նովրուզի օրերուն: «Զուարթնոց» օդակայանը այս տարի ընդունած է Իրանի Իսլամական Հանրապետութէնէն դէպի Հայաստանի Հանրապետութիւն ժամանած 8100 ուղեւոր: Այս տարի իրանցի զբօսաշրջիկներու համար մեծ աշխատանք կատարուած է տեղեկատուական առումով. իրանցիներու համար Նովրուզի օրերուն գործած է թէժ գիծ` պարսկերէն լեզուով, անոնց բաժանուած են տեղեկատուական պաստառներ եւ այլն: