Աւելի քան հինգ տարիներ անցած են այն օրէն երբ Պրն. Միսաք Քէլէշեան յայտնաբերեց Անթուրայի Սէն Ճոզէֆ Գոլէճի գերեզմանին մէջ թաղուած, ցեղասպանութենէն վերապրած եւ Լիբանանի մէջ թրքացման ծրագրին ենթարկուած հայ որբուկներու դի-ակները: Միսաք Քէլէշեան կոչ ուղղած էր բոլորին որ այդտեղ յուշակոթող մը զետեղուի ի յիշատակ Անթուրայի անմեղ հայ որբուկներուն:
Այսօր, 5 տարիներ ետք, անոր կոչը ստացած է արժանավայել պատասխան:
Չորեքշաբթի, 22 Սեպտեմբերի 2010ին Լիբանանի Քըսըրուանի շրջանի Անթուրայի Սէն Ճոզէֆ Գոլէճին մէջ, Զուք Միքայէլ, տեղի ունեցաւ հայ որբուկներու գերեզմանի յուշակոթողի բացումը: Անթուրայի որբանոցին մէջ մահացած հայ որբերու աճիւնները ի վերջոյ ամփոփուեցան պատշաճ կերպով եւ անոնց յիշատակը յաւերժացնող յուշակոթողը ամրացուեցաւ: Այս գործի իրականացման ձեռնամուխ եղաւ Խաչատուրեան ընտանիքը: Խաչքարի եւ տապանաքարի բացման արարողութիւնը կատարեց Տիկ. Գոհար Խաչատուրեան եւ բոլոր հայ մայրերու անունով ան ըսաւ. “Հայ Մայրը իր ազգային պարտականութեան հաւատարիմ պիտի մնայ”:
Յուշակոթողի բացումէն ետք խօսք առին Պրն. Միսաք Քէլէշեան, Անթուրայի Սէն Ճոզէֆ Գոլէճի տնօրէն Հայր Անթուան Նաքատ, Շահէ Խաչատուրեան, Գոհար համոյթի գեղարուեստական ղեկավար Սեպուհ Աբգարեան, Լորի Քէլէշեան եւ Արմէն Քէլէշեան, որմէ ետք տեղի ունեցաւ պատշաճ հոգեհանգստեան արարողութիւն Գոհար խումբի մասնակցութեամբ, որ եղաւ հայ որբերու եւ որբուհիներու հոգիներու խաղաղութեան համահայկական աղօթքի արտայայտիչը:
Հայապահպանման եւ ազգապահպանման ուղիին մէջ, այս խիստ կարեւոր իրագործումով, կրկին անգամ Միսաք Քէլէշեան, կողքին ունենալով իր տիկինը` Մայտան եւ երեք զաւակները, հայ ազգային եւ համաշխարհային պատմութեան մէջ կարեւոր հետք մը ձգեց եւ իր սուրբ նպատակին հասաւ, դառնալով ամէն մէկ հայ սրտի ձայնը եւ արձագանգելով աշխարհով մէկ:
Բոլորին վարձքը կատար:
Համադրեց` ԼԵՆԱ ՄԱՆՈՒԿԵԱՆ

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Sign Up for Our Newsletters

Get notified of the latest updates from MassisPost.

You May Also Like

Nikol Pashinian Elected Prime Minister of Armenian

YEREVAN (RFE/RL) — The Armenian parliament voted to elect opposition leader Nikol…

Azerbaijan Detains ‘Pro-Armenian’ Writer Akram Aylisli

BAKU (RFE/RL) — A renowned Azerbaijani novelist who infuriated Azerbaijan’s government in…

Erdogan Says EP Resolution is Reflection of Hostility Against Turkey

ISTANBUL — Turkish President Recep Tayyip Erdogan said on Thursday that decisions…

ACA Urges Members of Congress to Resign from the Congressional Azerbaijan Caucus

The Armenian Council of America joins other civic, humanitarian and cultural organizations…