Հայաստանը կը շարունակէ բազմազանեցնել իր արտաքին տնտեսական կապերը՝ ընդլայնելով հայկական արտադրանքին ներկայութիւնը միջազգային շուկաներուն մէջ։ Այս մասին տեսանիւթ հրապարակած է Արտաքին գործերու եւ միջազգային առեւտուրի նախարարութիւնը:
«2026 թուականի Յունուարի 1-ից Հոկտեմբերի 12-ը Հայաստանից 908,6 թոն ծաղիկ է արտահանուել 30 երկիր՝ այդ թւում՝ ինչպէս դէպի հարեւան երկրներ (Թուրքիա, Իրան, Վրաստան), այնպէս էլ Եւրոպայի (ԵՄ 14 անդամ երկիր եւ Զուիցերիա, Մոլտովա, Ուքրանիա, Սերպիա), Մերձաւոր Արեւելքի (ԱՄԷ, Օման), Կեդրոնական Ասիայի (Թուրքմենստան, Ղազախստան, Ղրղզստան, Ուզբեքստան) եւ Հիւսիսային Ամերիկայի (ԱՄՆ) շուկաներ»,- ըսուած է հրապարակման մէջ:
Նախորդ տարուայ նոյն ժամանակահատուածի համեմատութեամբ՝ ծաղիկներու արտահանման աշխարհագրութիւնը ընդլայնուած է։
Եթէ նախորդ տարի արտահանումը կ’իրականացուէր միայն Ֆրանսա, ԱՄԷ, Ղազախստան, Ղրղզստան, Պելառուսիա, Վրաստան եւ Ռուսաստանի Դաշնութիւն, ապա ընթացիկ տարուան մէջ ուղղութիւններու ցանկը համալրուած է 23 նոր շուկաներով:
ԵՄ երկիրներէն հայկական ծաղիկները մինչ այս պահը արդէն «հիւրընկալուած» են Հոլանտայի, Աւստրիոյ, Բելճիքայի, Պուլկարիոյ, Գերմանիոյ, Լաթվիայի, Էսթոնիայի, Լիթուանիոյ, Իտալիոյ, Լեհաստանի, Կիպրոսի, Չեխիոյ, Ռումանիայի եւ Ֆրանսայի մէջ:
ՀՀ Արտաքին գործերու եւ միջազգային առեւտուրի նախարարութիւնը կը յիշեցնէ, որ 2026 թուականի Հոկտեմբեր 10-էն ուժի մէջ մտած են Հայաստանի համար ԵՄ առեւտրային ինքնավար միջոցները (ATMs):
